Serija apologetična čęsť 3: Doslědnosť logična

Kråtky vvod v azbukų: Sej tekst jest napisany v bogatejšej ortografiji (Naučny Međuslovjansky Pravopis).

Bukva „đ” odpovědaje „dž”.
Bukvy „ų” i „ę” to veliky i maly jus [nosove].
Bukva „å” to bukva posrěd „a” i „o”.
Bukvy „ń”, „ś” i „ć” to mękke „n”, „s”, „c”.
Rešta gramatiki jest prědstavjěna na http://interslavic-language.org/doc/ns-pregled.pdf

Alternativne varianty slov (bliznoznačne slova) sųt podane v kvadratnyh zatvorkah: [].

—————————————————-

Sej vpis prodolžajųći zadańje vvedeńja neobhodimyh definiciji, bazuje na pŕvyh dvoh glåvah knigi The Coherence of Theism Richarda Swinburne’a.

Rěčeńjem nazyvamo vśaky gramatično korektna [prava] serija slov1. Ne každa serija slov jest rěčeńjem.

Iz-srěd rěčeńj možemo odosobniti kategorijų stvŕdeńj. Rěčeńje staje sę stvŕdeńjem, kogda vse jego slova imajųt smysl, a takože možno smyslno domněvati, že to, čto rěče, jest pravdojų, ili že to, čto rěče jest falšem [ložjų]. (My věmo, čto rěčeńje govori, ibo jest ono gramatično korektne). Itak, stvŕdeńje jest probojų [pokušeńjem] opisańja kako jest.

Stvŕdeńje nazyvamo nedoslědnom, jestli domněvańje, že jest ono pravdive, ne imaje sovsěm [totalno] smysla odnositeljno značeńja [s obzirom na značeńje]. V protivnym slučaju, stvŕdeńje nazyvamo doslědnom: to jest, jestli možno hoť by teoretično domněvati [prědpolagati], že može byti ono pravdive. Stvŕdeńje „družba imaje 3 metry vysoty” jest nedoslědne: pomimo, že vse slova imajųt smysl i sųt råzložene sgodno s pravilami gramatiky, jest vpolno nevoobražajeme [nemyslime] i ne možlive, aby to rěčeńje bylo pravdive (ibo družba ne jest objektom [prědmětom] fizičnym). Stvŕdeńja doslědne sųt, inymi slovami, logično možlive, nedoslědne sųt logično nemožlive.

Stvŕdeńje nedoslědne bųdų takože nazyvati bezsmyslicejų, jestli bųdų hotěl izråzniti, že ne nese ono nikakogo smyslnogo sodŕžańja [obsah, zawartość, zmist]. O takovyh stvŕdeńjah možno zlostlivo pověděti, že daže [navet, čak] ne sųt one falšive, ibo ničego ne označajųt. Poniže podajų priklady stvŕdeńj, ktore sųt očevidno nedoslědne (bezsmyslne). Mogųt one iměti izključno krajno metaforičny smysl, ktorym jednakože sę ne zajmamo:

  • Ljubov skače k Luně.
  • Kvadratne kolo na povŕhnosti Euklidesovej imaje 3 dijagonaly.

Råzględańja z togo vpisa imajųt priměnjeńje [zastosovańje, aplikacjų] v råzpravě teologičnoj. Na priklad teza verifikacijonistična, podle ktoroj „jedino [toliko] rěčeńja empirično verifikovajeme imajųt smysl; rěčeńja neverifikovajeme sųt absurdne2, vodila byh k tvŕdeńju, že vse rěčeńja odnositelno Boga sųt bezsmyslne.

Poniže, trohų provokatorsko, podajų ine priklady rěčeńj3, ktore, jesm uběđen, sųt nedoslědne (dokaz [dovod] ostavjų čitatelju, ako zadańje trenirovne, hoť uvjěrjeno, ješče povråčų k prědmetu).

  • Bog jest bezkonečny, a v bezkonečnosti logično protivrěčne aspekty nakladajųt sę i sjedinjajųt sę.
  • Tri (3) v pojęťju Trojcy ne izstųpaje v smysle nomeričnym – tri v tom slučaju ne jest čislem.

Nadejam sę, že v tom momentu definicije klasifikujųće verbalne izrěkańja sųt už skompletovane. Povtorijmo je bistro:

Rěčeńje – gramatično korektna serija slov.

Stvŕdeńje – rěčeńje, ktorogo vse slova imajųt smysl i vozmožno mněti, že jest ono falšive ili pravdive.

Stvŕdeńje doslědne (logično možlive) – stvŕdeńje, o ktorym možno s smyslom domněvati, že moglo byh byti pravdive.

Prěvod: Tymoteusz Miara

Jest to definicija råzna od językoznavčej, podle ktoroj rěčeńje dolžno [musi] iměti predikat [prisųdok].

2 Ovų tezų, očevidno, uvažajų ako falšivų. Iz logičnym pozitivizmom råzpravjų sę inogdy.

3 Pŕve iz njih jest citatom někojego rosijskogo naučnika procytovanego prěz Fr. Michała Hellera v knigě „Bog i nauka”, Copernicus Center Press 2013 (s. 91). Vtore jest v kontrastu vozględom někojego menje izvěstnogo [znanogo] teologa iz V solěťja – ale jesm zabezpamętal [zabyl] ktorego i ne jesm v možnosti sejčas najdti toj informaciji.

Reklamy

Skomentuj

Wprowadź swoje dane lub kliknij jedną z tych ikon, aby się zalogować:

Logo WordPress.com

Komentujesz korzystając z konta WordPress.com. Wyloguj /  Zmień )

Zdjęcie na Google+

Komentujesz korzystając z konta Google+. Wyloguj /  Zmień )

Zdjęcie z Twittera

Komentujesz korzystając z konta Twitter. Wyloguj /  Zmień )

Zdjęcie na Facebooku

Komentujesz korzystając z konta Facebook. Wyloguj /  Zmień )

Connecting to %s